URAKPARAKI

ავტორი: დიოტიმა
ჟანრი: პოეზია
13 ოქტომბერი, 2008

სიზმარი

რას დაგვიტოვებ,სიყვარულო?
ბარათებს,
წიგნებს და წიგნებში ჩამხმარ ყვავილებს?

ნივთებს,
რომლებიც დაკარგავენ იდუმალებას
და დანარჩენებს თვინიერად შეერთვებიან?

საერთო ნაცნობს,
რომლის შეხედვაც უკვე აღარ გვაფიქრებინებს,
''ნეტავი ამას,როცა უნდა, მაშინ ნახავსო!''?

ადგილებს,
სადაც წაიშლება
ეს მოლოდინი,უფრო ლამაზი,ვიდრე შეხვედრა?

იქნება სიზმარს -
-მოულოდნელს შეხვედრასავით,
როცა ორივე სხვადასხვისკენ მივეშურებით?

რა სილაღეა!
მთელი ქვეყნისთვის
ღია არის სიზმრის კარები!

1883

გადმოწერეთ PDF ფორმატში

კომენტარები

ილუსტრაციები

რეცენზიები

17. ;) კარგია....

მაკუცა. 2009-03-31 13:08:36

16. რას დაგვიტოვებ,სიყვარულო?
ბარათებს,
წიგნებს და წიგნებში ჩამხმარ ყვავილებს?

და ეს ყველაფერი დაგვაბრუნებს წარსულში . . . :(

ნელიკო გოგუაძე. 2008-10-19 12:26:47

15. მშვენიერიაააა

ა__ჩ__ი. 2008-10-14 11:29:50

14. მე ვერ წავიკითხავდი სხვა ავტორის რომ ყოფილიყო!:(

ლელა-65. 2008-10-13 22:57:24

13. 2. რა უცნაურია, ახლა სანამ ამ კომენტარს წავიკითხავდი, მეც ანა ახმატოვას"რას დაგიტოვებ სახსოვრად" გამახსენდა და კითხვისას ვფიქრობდი, როგორ გავს იმ ლექსს-მეთქი:) თუმც აქ თავისთავადიც ბევრია,მაგრამ მაინც...

ეს ფინალი კი შენ თავად ხარ, ნინოოოოო:)

რა სილაღეა!
მთელი ქვეყნისთვის
ღია არის სიზმრის კარები!
აი, ასეთი მგონიხარ მე სიტყვიერებაში :)

მარიამ წიკლაური. 2008-10-13 22:22:38

12. ჭეშმარიტო პოეტო ძვირფასო! ვიდრე ჩემს კრედოს მივაგნებდი,მე ბევრი ვიბოდიალე,უამრავი რამ ვცადე,ზოგი წარმატებით,ზოგი - წარუმატებლად.ცდა, ცდა და ცდა!-ჩემი ფიქრით,მხოლოდ ასე შეიძლება გაიზარდოს შემოქმედი.
როგორც კი ცდას შეწყვეტს,ინერციით ცოტა ხანს კიდევ ექნება სიცოცხლის ილუზია,მაგრამ სინამდვილეში მოკვდება.

დიოტიმა. 2008-10-13 22:01:15

11. როი ძვირფასო! არც მე მომწონს.სწორედ იმის საჩვენებლად დავდე,რა არის თხზვის ტექნიკის ნაკლებობა,ასევე,რა ძნელია,პოეზიაში იპოვო შენი სათქმელი,მიაგნო შენი პოეტური ხედვის კუთხეს.

დიოტიმა. 2008-10-13 21:55:10

10. არ მომეწონა!

რ____ო____ი. 2008-10-13 21:35:37

9. ეს ედიტ პიაფის სიზმარია თუ თქვენი კრედო?

ჭეშმარიტი პოეტი. 2008-10-13 21:30:55

8. სემ ძვირფასო!ვერ გადავამუშავებ,ხელთ აღარაფერი შემრჩება.

დიოტიმა. 2008-10-13 21:08:37

7. ამ კომენტარებისთვის გაფასებთ
მოგიკითხეთ
:)

ლალი. 2008-10-13 21:08:04

6. :) ღამე მშვიდობის კარგო ადამიანო :)

სემი. 2008-10-13 21:07:13

5. ახლა ვფიქრობ,რომელიმე საიტზე ასეთი ლექსი რომ შემხვედროდა,როგორ შევაფასებდი?
არ გავამინუსებდი,რადგან ლიტერატურულად ყველაფერი რიგზეა.მაგრამ არც დადებითად შევაფასებდი.ავტორს კი ვურჩევდი,გათავისუფლებულიყო უცხოური პოეზიის საეჭვო გავლენისაგან და მეტი ეკითხა ქართული ტექსტები,თუნდაც გიორგი ლეონიძის პროზა,რათა გაემდიდრებინა ლექსიკა.ეკითხა გალაკტიონი,გურამიშვილი და რაც ,მთავარია,``ვეფხისტყაოსანი``,რომ მხატვრულ სახეებში აზროვნების უნარი განევითარებინა...

დიოტიმა. 2008-10-13 21:04:20

4. დამაბნიე ...
მე ჩემი გამოვხატე ...
მერე გადააამუშავე და ახალი სახით დადე :)
რა გიშლის ხელს ? :)

სემი. 2008-10-13 20:59:37

3. სემ ძვირფასო! ბევრი,ბევრი რამ აკლია.უპირველესად - ენის ფლობა.შემდგომ სიღრმე,სახეობრივად მეტისმეტად ტრივიალურია.კონცეპტუალურად ნაივური და ასე შემდეგ.

დიოტიმა. 2008-10-13 20:58:15

2. ეს ლექსი ოცი წლის ასაკშია დაწერილი და შესულია პირველ კრებულში ``ახალდედები``.
დავდე იმის საილუსტრაციოდ,თუ როგორი პრობლემები მქონდა პოეტურ ენასთან მიმართებაში.
შეამჩნევთ ალბათ,ენა არ ``მომყვება``,მიძალიანდება,თითქოს საიდანღაც რაღაცას უხეიროდ ვთარგმნიდე.

დიოტიმა. 2008-10-13 20:56:05

1. რაღაც აკლია ...

სემი. 2008-10-13 20:52:17