დაბინდდა ნისლი ჩამოწვა,
ყმუილი ისმის მგლებისა,
სადღაც თუ იბადებიან,
სადღაც სიცოცხლე ჰქრებისა...

ვიღაცა ცხოვრობს ტყუილით,
ვიღაც აფასებს სიმართლეს,
ზოგიც დაეძებს წყვდიადში,
გვირაბის ბოლოს სინათლეს...

ზოგი თუ სატრფოს შორდება,
ზოგიც პოულობს საბედოს,
წმინდა გრძნობებზე თამაში,
ღმერთო არავინ გაბედოს...

ფიქრში ავყევი ცხოვრებას,
წუთი საათებს მიება,
მუხთალი წუთისოფელი,
შავ-თეთრად გადაიღება...