****


დღეს ქალაქი გაივსო
მაცხოვრებელ ცხედრებით,
ყველგან მკვდრები დადიან,
სადაც გაიხედები,

დღეს ქუჩები უფრო ჰგავს
ჯოჯოხეთის ნასუფრალს,
ხალხი დაჩონჩხ-ჩხრიალებს,
მღვდელი მარხვით გასუქდა.....

აქ ზოგს ჯვარზე აცვამენ,
ზოგს კი ფული აცვია,
გაძარცულს თუ ძარცვავ შენც,-
მაშინ დიდი კაცი ხარ...

.......................................
დღეს ქალაქის ქუჩები ჰგავს
სანაგვეს და სამარხავს,
თუ მშიერი ვერ მოკვდი,
ვიღაც ცოცხლად დაგმარხავს.....