ჩაფიქრებული  ზიხარ და უსმენ,
ბუხარში როგორ შიშინებს შეშა,
... დერმანტინიან კარების ზღურბლზე,
ხელს ჩასჭიდებ და საცაა შეხვალ.
ვრცელ მისაღებში ზის ქერა ქალი,
თვალი ზემოთკენ წასვლია წინდას,
შემოუტანეს ბ-ნ მინისტრს წყალი,
... ღორები დინგით ანგრევენ ჭიშკარს.
კერიის პირას ფუსფუსებს დედა,
და კვამლის მტვერით მოსვრია კალთა,
... ზის მისაღებში ლამაზი ქალი,
და ქალზე უფრო ლამაზი კაბა.
წინდას ზემოთკენ წასვლია თვალი,
ტორტმანებს ცა თუ შენ ცხვირწინ მკერდი,
შემოუტანეს ბ-ნ მინისტრს წყალი
და ხელი თოვლის ფიფქივით თეთრი...
                                                1987 წელი