ყოველ საათს, ყოველ წუთს,
სიყვარულში ვბერდებით,
უბედური წამებით კი,
ნაადრევად ვთეთრდებით.
ცხოვრებასთან თუ გსურს ცეკვა,
არ გაუშვა ჟამის წამი,
და თუ არ გსურს მსგავსი ყოფა,
შეეშვი და სადმე წადი.

მიხა ასხამს,
გიორგი სვამს,
და ვინც არ სვამს ის თავს ერჩის,
არ იცის, რომ სიფხიზლეში,
ვერ გახდება ვაკხის ელჩი.

გვირილას ჰგავს ეს ცხოვრება,
სანამ ქარი არ წაიღებს,
და სიცოცხლის დაცემამდე,
მსხვერპლად ჭკნობას არ გაიღებს.
ნუ ინანებ რომ ცხოვრება,
ერთია და ასე მოკლე,
უკუ ფიქრით საგურამოს,
ილია ხომ ფლიდად მოჰკლეს.
ღმერთი მუდამ მოწყალეა,
ვარამი კი მსწავლელი,
ვინც კი რა ღირს იმას იმკის,
და თუ არ ღირს, ნახვამდის.
ეს ცხოვრება გვირილას ჰგავს,
მზესთან რომ იფერფლება,
უფლის ნება იყოსა და
ყველაფერს ეშველება!

პაატა ასხამს,
ბესო კი სვამს,
და ვინც არ სვამს ის თავს ერჩის,
არ იცის, რომ სიფხიზლეში,
ვერ გახდება ღმერთთან ელჩი.