ჭ(ეშმა)რიტებაში - ეშმა შეპარულა
და მისი შებღალვა მოუნდომებია,
თვალთა ასახვევად, მზაკვარს შეფარულად,
მრავალი "სიმართლე" მოუგონებია...

თან ეს ტყუილები, ხშირად ლოგიკურიც,
ისე ოსტატურად გაუვრცელებია,
მრავლისთვის გამხდარა არსობისა პური
და მის გამვრცელებელს თავსაც ევლებიან...

აგერ, ორი მხარე - დაობს რაღაცაზე,
ცალ-ცალკე თუ ჰკითხავ, ორივ მართალია!
არც ერთი, არც ფიქრობს ცოტა დათმობაზე,
წააგებს და იტყვის: "რა სამართალია?!"

ჭეშმარიტებას კი არ ჰყავს წაგებული,
მისთვის დღეს მშიერიც - ხვალე დანაყრდება!
ამაზეა მისი არსი აგებული,
ტყუილისგან სწორედ არსით განსხვავდება!