შენ ნეტარებით ტკბები-ლაჟვარდით...
მე კი კვლავ ვბორგავ სევდის მორევში,
ჩვენ ერთდროულად ვცხოვრობთ და ამ დროს-
ვართ პარალელურ სამყაროებში....
გულის სიღრმეში იბუდა ტვირთმა,
შენ სინამდვილეს ხატავ ”ფორებში”,
ჩვენ ერთდროულად ვშთანთქავთ სიცოცხლეს-
ამ პარალელურ სამყაროებში...
მე ჯოჯოხეთის მარწუხებს ვებრძვი,
შენ ცისარტყელას კინძავ ზოდებში...
ჩვენ ხომ ერთად ვართ ამ უსასრულო-
კვლავ პარალელურ სამყაროებში...
მალე წავიღებ სულს ფიანდაზედ,
წამით ავცდებით თითქოს დროებში!
და მაინც ისევ ვიქნებით ერთად-
იქ-პარალელურ სამყაროებში...