პირჯვარი

ცოცხლებს "შუბლით", ანდა
"მუცლით" გაგვიგებენ,
გარდაცვალებულებს
მხრებზე გაგვიდებენ...


‎***
თუ მკაცრობ ყველას მიმართ დღეს,
თავს შეაცოდებ ხვალე ვის?!
უხდება თურმე სიმართლეს,
ზოგჯერ დახუჭვა თვალების!..

***
ვაგროვებ სიბრძნეს, როგორც ძველი ფილატელისტი
ქაღალდის მარკებს და მასსავით ალბომში ვაწყობ,
თუმცა ტირაჟი შეუმცირდა სიბრძნეს დღეისთვის
და გაჭირდება კოლექციის შევსება, ვატყობ!..

***
ბავშვი აღარ ვარ, კაცი მეთქმის უკვე ზრდასრული
და ჩემს ასაკში ერთი კარგად დამისწავლია,
რომ ყველა მართლის უკან არის გრძელი წარსული,
ყველა ცოდვლის წინ კი გრძელი მომავალია!..

***
იგი, ვისთანაც ყოფნა მხოლოდ შენს ხორცს არგია,
არ არის შენი მეგობარი! ა მ ხ ა ნ ა გ ი ა!!!