http://youtu.be/rpRiSb_Ir-s


პარანოიაა ასეთი სიყვარული, –
თითიდან გამოწოვილი მოვალეობებით
და გრძნობებით რომლებიც თითქოს იყო,
მერე უკვე, თითქოს არც იყო.
ზაფხულის წვიმიან ღამეებად მექცნენ თვალები,
ამომიღამდნენ,
ამიმლაშდნენ,
ამოლპნენ თითქოს.
აზრები კი,
ისე უაზრო წყობაში დგანან როგორც არასდროს
და ვერასოდეს ვერ დასვამ კითხვას:
"ვინ დააწყო","ვინ დაალაგა" და "ვინ არია".

პარანოიაა ასეთი სიყვარული,
ხელის ერთი მოსმით დამთავრდება.
ხელის ერთი მოსმით წაიშლება.
ხელის ერთი მოსმით გადაისვრი
– სადმე მიაგდებ.
იქნებ როგორმე თვალი აარიდო,
იქნებ როგორმე ფიქრიც აარიდო,
იქნებ როგორმე აზრებს გაერიდო სიზმრებს შეეფარო.
სიზმრებს რომელიც,
რეალობაზე მეტად გიღებენ ბოლოს გაღვიძებისას.

პარანოიაა ასეთი სიყვარული,
ყელზე მომდგარი "მიყვარხარ" კი ისე გაშრება,
ისე ხმება – თითქოს მზის გულზე დაგეგდოს
და წყალს არ ასხამდე.