ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: Fuckerman's Song
ჟანრი: პოეზია
5 ნოემბერი, 2008


ასეც ხდება (ნაგლეჯები ბავშვობიდან)

ასეც ხდება,ისეც ხდება,
დღეს თუ არა,ხვალ მოხდება.
ზოგი მიდის,ზოგი კვდება,
ზოგიც სულ არ იბადება.

ვიღაც ბრაზობს,ვიღაც ცხრება,
უცხო ვერაფერს მიხვდება.
ზოგიც ფიქრით ნეპტუნს წვდება...
ქვეყანაზე რა არ ხდება...

ასეც ხდება,ისეც ხდება,
სხვაზე ნასროლი მე მხვდება...
ზოგიც სიკვდილს ემალება,
ზოგსაც არა ედარდება.

ქვეყანაზე რა არ ხდება?!
ხე ბერდება,მერე ხმება.
წყალი წვეთავს,თოვლი დნება
და იქმნება მოგონება...

რაც არ მიდის,რაც არ კვდება,
ყველასგან შორს-მარტო რჩება.
ზოგი ცოცხლობს,ზოგიც კვდება...
ქვეყანაზე რა არ ხდება...

                            2001წელი/მარტი

კომენტარები ილუსტრაციები რეცენზიები

საიტის წევრს ნიკით:  გიორგი7464 ვულოცავთ დაბადების დღეს