მარჯვენის კვალზე
გაგინგრიეს მარცხენა ლოყა.
(იქნებ ლოცვაში გამოტოვე მაჭივრებელი?)

რას დაიჩივლებს შენნაირი!
იქნებ და ერგო:
წილი კეისარს კეისრისა,
შენ – ღვთმსმშობელის!

ხედავ?
შენი ძე –
გაკრულა ჯვარზე!
(მერე რა, რომ არ იყო ღმერთი!)


დედის ლოცვებში  სათითაოდ –
სახელებად დაიხრიალე:

თოხთა!
ხეითი!
აჩაბეთი!
კეხვი!
ერედვი!
..................................
შენ გაგიხეთქეს გული მარცხნივ და
მარჯვენა მხარეს – რაც არ გედო, რას მიუშვერდი?!