მატარებელი მიდის ნელი სვლით,
ჩემი ცხოვრება ბევრად სწრაფია
არ მეძინება,ძილს მიფრთობს ფიქრი
და რითმებს ვეძებ შუაღამისას...
ემოციები სულ რომ  დავკარგე,
დიდი ტკივილის ალბათ ბრალია
რაღაც მაფიქრებს წარსულ ამბავზე
ეჰ, სინანული კლავს ადამიანს.
ივნისის თვეა, მიხმობს ტერენტი,
მახსოვს სიკვდილი სულში ქარია,
ღმერთამდე მისვლის გზებს, რომ ვეძებდი
გადავუხვიე, მგონი ,ძალიან...
არ განმიკითხოთ,როგორც ცოდვილი
გოლგოთისაკენ ჩემი ჯვარი მაქვს
ვიცი, ამქვეყნად რისთვის მოვედი
ბრბოსთვის მიზეზის ახსნას აზრი აქვს?!
სხვა სამყარო მაქვს და თქვენ შემეშვით!
მეწერება და მაცადეთ წერა,
ნამდვილად არ ვარ ვითომ პოეტი
მე მხოლოდ ჩემი მუზების მჯერა.
რა მემართება თვითონ ვერ ვხვდები,
უკვე ფიქრებიც ვხედავ მერევა
დიახ, ლოთი ვარ ,კიდეც ვეწევი.
თავს ვერ ვანებებ,ვერა და ვერა...
წავალ და მერე არ დავბრუნდები
გვიან მიხვდები ვთვრეობდი როგორ,
ნუთუ მიყვარდა? ან ახლა მიყვარს?
მე რა ვუთხარი ამ ტრფობის მომგონს!
სიკვდილის წინ კი დაგიწერ ანდერძს
ჩემი სიმდიდრე ეს ლექსებია
ვთვრებოდი შენით, მიწიდან ცამდე,
თუმცა კი ცხადში არც შეგხვედრივარ.
ყველა დიდ ტკივილს ღიმილით ვიტან
ალბათ მაქვს კიდეც ამის მიზეზი,
ვეწევი იცი? ცხოვრებას ტირანს
განა ტაშისთვის?მე შენთვის ვწერდი!..
                        02:20
                            18/06/13