ზღვას ჰგავხარ მითხრეს და გამაკვირვეს, ვიღაც მიჰყვება ჩემი ცხოვრების უცხო ნაპირებს, სევდიან ტალღებს.. ვიღაც შემოდის წყალში უხმოდ და ფიქრებს ამღვრევს.. ზღვას ჰგავხარ მითხრეს, ჰორიზონტზე კი მზე გაჩნდა იმ დღეს! და თუ მე ზღვა ვარ, მაშინ მთვარე ღამეებს მითევს და რატომ ვღელავ ვერაფრით იგებს.. მითხრეს ზღვა ხარო.. მე მისთვის ზღვა ვარ, ის კიდევ ჩემთვის - მთელი სამყარო. ზღვას რითი ვგავარ ? ასეთი რა ვარ? არ შემიძლია თავი დავხარო და რაც კი გულში სათქმელი მაქვს სადმე დავღვარო. მითხრეს ზღვა ხარო.. ზღვა - უცნაური მშვიდი და ვრცელი, როგორიც შენი თვალებიო - ყველაფრისმთქმელი.. ის უსმენს ზღვის ხმას, მე კი მისი დუმილიც მიყვარს და მისგან მხოლოდ ზღვის ხმაურის სიყვარულს ველი.. ზღვას ჰგავხარ მითხრეს და მოემატათ ტალღებს ხმაური. მე ისევ ზღვა ვარ, ის კიდევ გახდა დღეს მეზღვაური.. ასეთი რა ვარ, რომ ღამეებს მთვარესთან ერთად ისიც კი მითევს.. ზღვა ხარო მითხრეს და ჰორიზონტზე მზე გაჩნდა იმ დღეს!
