მე, ისეთი მცივანა ვარ, სხვას არ ვითხოვ,
მომიყვანეთ მზე, აქ - სახლში, ან თუ იცით -
მიმასწავლეთ, სად ვეძებო ნაღდი სითბო?
- წამსვლელი ვარ ცხრა მთასა და ცხრა ზღვას იქით...

მცივანა ვარ, მცი-ვა-ნააა და მეშინია
არ მომიღოს სიცივემ და ყინვამ ბოლო,
თან ზამთარი, ოოო... ისეთი შეშლილია,
რომ მზად არის ჯოჯოხეთში ჩამიყოლოს.

მე, რაც მქონდა, საკუთარი, სულ გავეცი,
დავიხარჯე ბოლომდე და ახლა ვითხოვ:
ერთი გრამი, ერთი წვეთი, ერთი დეცი -
გაიმეტეთ ვინმემ ჩემთვის ცოტა სითბო...