ამ ნაპირს თუ აუყვები,
ნაპირ–ნაპირ თუკი მიხვალ,
ზვირთებ–ზვირთებ ეხეთქება
ზღვა ნაპირს და ნაპირი ზღვას.
როგორ მიყვარს!
როგორ მიყვარს!
რაც ამ ნაპირ–ნაპირ არის -
მზე–მზე, ზღვა–ზღვა,
ციაგ–ციაგ, ცა–ცა
ღრუბელ–ნატირალი.
ამ გზის ბოლოს,
ამ ზღვის ახლოს
არის ჩემი მამამძუძე.
ჩემს ბავშვობის სამოსახლოს,
თავს ევლება, ღამეს უთევს.
ამ ნაპირს თუ აუყვები,
ნაპირ–ნაპირ სოხუმია.
შეჟი ბზია აფხაზეთო!
აფხაზეთო შეჟი ბზია!