მომეცი შენი ორივე ხელი
პატარა, თბილი ვით ჩიტის გული,
მინდა, რომ სისხლი მადინო ცხელი,
მინდა რომ შენთვის მეტკინოს სული


შენი ფანჯრები მოაპყარ ჩემებს
და არ იფიქრო არაფერ სხვაზე,
შენთვის ვაგებდი ზეციურ გემებს,
შენთვის დავრბოდი ალესილ ზღვაზე


ყოველი შენი მარტივი წამი
ჩემთვის მეტია ვიდრე ცხრა ერა
და ყველა ციცქნა, ჯიუტი ნამი
ჩანს მოლიცლიცე შვიდფერა მზერად


მსურს დავეწაფო ცეხლისფერ ვარდებს,
როგორც ფუტკარი ნაზი ფარფატით
ვით მზესუმზირას– მზე გამეხარდე
და თავად გავხდე სინათლის ხატი.