მე ვარ ეკალი იესოს ფრჩხილქვეშ,
მე ვარ ტკივილი, სიკვდილი, სიცხე,
მაგრამ როდესაც მმარხავენ პირქვე
იესო თავის სისხლიდან მიცხებს

მე ვარ სასტიკი ვით კაიაფა,
და გამცემიც ვარ როგორც იუდა,
ვარ პაიკმკვდარი სიცოცხლის დაფა,
ჩემმა სიბრმავემ გამაჯიუტა

და ვიდრე ქვეყნად დადგა ის ჟამი
მეც განვიბანე უდაბნოს მტვერი
ჩემს ქვაზე დავდგი დაბალი სკამი,
და შევილუკმე ნაზარეველი..

რადგან ხსნა არ არს ხსნა გარეშე ამის
და "მან" ჩემს გულში ისახლა თავი,
რადგან საათად მიქცია წამი
და საჭე მომცა ჩემივე ნავის

ამიტომაც ვსვამ მე კურდღლის წყაროს
ყური ფართო მაქვს და დაცქვეტილი
ჩემს გულში მღერის, ცეკვავს და ხარობს
ადამი უმი და აწყვეტილი.