ჰარმონია
                                          ანუ სექსი პოეზიასთან
                                თამბაქოს ნისლივით გაცრეცილ სტრიქონებს,
                                ბოჰემურ ღამეს და სიყვარულს მივუძღვნი,
                                მუზები სტროფებად ვარდისფრად ითოვებს,
                                და ზვავი ,,გამიტანს” ლექსების  ჭიუხვში.
                                ცრემლებად აკინძულ სევდიან ოცნებას,
                                სასთუმლად დავუფენ მეძავის გრაციას,
                                ,,ამურის” ჰანგები ნიაღვრად მოსკდება,
                                ვნებიან სურვილებს ქარიშხლად აშლიან.
                                იბორგებს, იქროლებს ლტოლვა და დაცხრება,
                                აზარფეშს შევასმევ მთვლემარე საღათას,
                                და მთვარე სარკმლიდან ყურებით გაძღება,
                                ტბორეში დაახრჩობს სურვილებს ამაღამ.
                                თამბაქოს ნისლივით გაცრეცილ სტრიქონებს,
                                ბოჰემურ ღამეს და სიყვარულს მივუძღვნი,
                                დაცლილი, სულიდან მუზები ითოვებს,
                                მოკვდება ,,გიშერი,” იშვება ,,ფირუზი.”

                                                        თემური