+++

წლევანდელი საშობაო ეპისტოლე,
ზოგიერთი "ყველაფერში მართალისთვის"
გადაიქცა და ემსგავსა იმ პისტოლეტს,
სათამაშოს რომ ჰგავს, მაგრამ მართლა ისვრის...


***

ჯვრის მაგიერ ყელზე - გიშერ,
ფრთების ნაცვლად ზურგზე ვალებ-
შეკიდული ხელებს იშვერ
დროისკენ და მას აბრალებ -
ყველაფერს...


სუროგატი

მწარედ შევცდი, ვეღარ ვშველი სულს,
დროც გამდის...
ვერ ავივსე სხვისი ცრემლით თვალის უპე,
არ არსებობს სინანულის სუროგატი,
ტყუილია...
დავიღუპე, დავიღუპე...