ჩემი ვენიდან მეწამული ნისლები ბოლავს,
ადუღდა სისხლი..
ხო,ვენებიდან მეწამული ნისლები ბოლავს,
ციდან უცნობი არსებები მიშენენ ისრებს,
სულში დაგროვდა დაშენილი ისრების გორა,
ცოდვები ჩემი მიმძიმებს კისერს.

უფალო ჩემო!ცათა შინა არსთა გამრიგევ
მომეცი ხელი,
უფალო ღმერთო!ცათა შინა არსთა გამრიგევ,
მხოლოდ შენა გცნობ და შენ ერთს გელი,
ვარ ერთი ვინმე უსახური კაცი ტარიგი,
შემომჩენია სხეულში გველი.

ამკიდე შენი ჯვარის მსგავსი მსუბუქი ჯვარი,
ვატარო მხრებით..
ამკიდე მხრებზე შენი ჯვარი,მართალი ჯვარი
და გოლგოთისკენ მიჩვენე გზები,
მინდა შეგასხა მხოლოდ ხოტბა,დიდება,ქება
და თან ვილოცო მუხლმოყრილმა ერთგვარი გზნებით.

ცა მიაქვთ მძიმედ,ფლამინგოებს ვარდისფერ ფრთებით,
მზე ჩადის,ჩადის მეწამულ ზღვაში...
ცა მიაქვთ სადღაც ფლამინგოებს გაშლილი ფრთებით,
ქარი აგორებს ფაფარაშლილ ტალღების რაშებს,
ისევ გულიდან გამოწურულ გრძნობებით ვთვრები,
ზურგს უკან მესმის ცბიერი ტაში...

ცალი ხელი მაქვს გამოწვდილი უფალო შენსკენ,
ხოლო მეორე პილატეს ხელი...
ცალი ხელი მაქვს გამოწვდილი უფალო შენსკენ
და მიზის მტრედი,მეორეს კი დასჩხავის ყვავი,
ციდან წრეებად ჩემს თვალებში შემოდის ფრესკა
შენი და ჩემი მოთმინება კვირტივით ყვავის.

მძიმეა ღმერთო შენი ტვირთი,საკუთარ თავზე
აიღე ცოდვა ადამის მოდგმის,
მძიმეა ღმერთო შენი ტვირთი რისთვისაც გამზა-
დებდა მამა და ამსხვრევდი დოგმებს,
თვალნი აღვაპყრე,თან წარმოვსთქვი:-რა მზეა! რამზე!
თვალს ვადევნებდი ღრუბლების გოგმანს...

სისხლი მიდუღს და ვენებიდან ნისლები ბოლავს,
ცას ერთვის ნისლი.
სისხლი მიდუღს და ჩემი სისხლის ნისლები ბოლავს,
ვიღაც უცნობი არსებები მიშენენ ისრებს,
ჩემში გადიქცა დაშენილი ისრები გორად,
იუდას ყულფში ვყოფ ცოდვილ კისერს..

                                        დმ.26.12.2013წ.