ალფრედ ჯოზეფ ჰიჩკოკი დაიბადა 13-ში,
როცა შუა ლონდონში მძვინვარებდა აგვისტო...
მამა ყიდდა ბოსტნეულს, დედა იჯდა მანეჟთან,
ოჯახს მამა არჩენდა-უმცირესი ავისტით.
დადიოდა ჰიჩკოკი იეზუიტურ სკოლაში,
უმძაფრესი შეხებით კათოლიკურ ნიშნებთან,
მთელი მისი ბავშვობის უფერული კოლაჟი
იყო მარტოსულობა, უსაფუძვლო შიშები.
თოთხმეტისამ დატოვა სკოლა არა ექსცესით,
გახუნებულ ფეხსაცმლით, ნაცრისფერ მაკინტოშით,
ესწრებოდა მკვლელობის სასამართლო პროცესებს,
ხშირად წააწყდებოდით თეატრსა და კინოში.
აქვეყნებდა მოთხრობებს, ფსევდონიმი ჰქონდა: Hitch,
რუკებს უკირკიტებდა: ლუტეცია, ელადა...
ტრაგედია არ მოჰყვა მამის სიკვდილს ოჯახში,
ფაქტმა დაახლოვა შემორჩენილ დედასთან.
მოკლე დროში მოირგო რეჟისორის სახელი,
იყო :"მდგმური", "შანტაჟი", გენიალურ "ფსიქომდე",
მაგრამ არ ასვენებდა ყრმობის გამოძახილი
და ყოველთვის უცნაურ ფობიაზე ფიქრობდა.
დეკემბერში ჰიჩკოკი დაქორწინდა რევილზე,
ალმამ კათოლიციზმი ჰიჩკოკივით მიიღო...
"39 საფეხურს- კომედიურ თრილერს, მზეს
უყურებდა სიმკაცრით, დინჯად და უმიმიკოდ.
უცაბედად გახადა "ფსიქომ" მილიონერი,
როცა სცენას შხაპისას გულმოდგინედ შეება...
ვერასძალით უარყო მავნე, წყვილი მანერა:
ალკოჰოლი, თამბაქო, ბანქო, ღამისთევები.
"ოჯახურ შეთქმულებას" ვერ გაუძლო, შეეშვა.
რეჟისორი გადაჰყვა სასმელს, ნარკომანიას,
იგი გარდაიცვალა სახლში, ლოს-ანჟელესში,
სხეული კი დაწვეს და ფერფლი მიმოაბნიეს...