პაკი-პუკი, პაკი-პუკი,
წვიმა მოდის,
კაპი-კუპით.
ყვავილები პირს იბანენ,
ჩიტი დახტის, ბაკი-ბუკით.
აივანზე სოფოს ფისო,
ონავარი, ერთი კნუტი,
წითელ ქოლგას გასაშლელად
ექაჩება ფაცი-ფუცით.
გაიშალა უცებ ქოლგა,
შიშისაგან შეხტა კნუტი,
თაგუნები დასცინიან:
ხარო დიდი პრანჭი-პრუნჭი.
პაკი-პუკი,პაკი-პუკი,
ცეკვავს წვიმა კაპი-კუპით.
2012.


ანანო და ქათამი
-----------------------
გოგლი -მოგლი-გოგლები,
უყვარს ძლიერ ანანოს.
დაიჭირა დედალი,
უნდა ჭკუა ასწავლოს:
-კა,კა,კა,კა ქათამო,
კვერცხი დადე სასწრაეოდ,
საკენკი რომ გაჭამე,
ხომ უნდა გამახარო?!
-კო,კო,კო,კო, 
კო-კო-კო ?!
გაიკვირვა ქათამომ,
მიაშურა საბუდარს,
გაახარებს ანანოს.
2013.


თხაკიკინა
-------------
წითელი წინსაფარით
ბაკი-ბუკით დადის.
თავზე ორი კიკინით,
ორი დიდი ბაფთით.
მოაჯირს ვწრ შესწვდა,
მოაჩოჩა სკამი,
ჩამოაგდო კოვზი,
მოაყოლა ჯამი.
პაწაწინა რეზი,
ეუბნება ბებოს:
-თხაკიკინას ამიტომ,
ვეძახითო კესოს.
2012.


რეზი
________________
საფოსტო ყუთს ებუტება
მთელი დღეა რეზი.
დაიღალა წარა-მარა
წინ და უკან რბენით.
ლუკა რეზის ეკითხება:
-რატომ ბრაზობ რეზი?
_ჩურჩხელები მინდა ბევრი,
მეტი არაფერი,
ბებოს წერილი მივწერე
და დილიდან ველი.