უფალო მამა,
შენ, რომელმაც იცი ყოველი
რამ გამაწამა
ან რისი ვარ ახლა მთხოველი
ყოველთა მამავ,
შემოქმედო,
უზენაესო
დღის შუქს რომ გვაძლევ
შენს სხივებს რომ მივეალერსოთ,
ერთს გთხოვ ამჟამად
და ყოველთვის ამას გთხოვ მერეც
წამითი წამად
პლანეტაზე რომ ამაჟღერე
შენ რომ მომეცი
შენს საპოვნად
ენა და ძალა
შენ ვინც გაბრწყინდი
და ვინც ნისლი გადამაცალა
გთხოვ:
წყალობით ავსე
ყოველი წამი
ყოველი დილა
საღამო მისი
არცერთი ცრემლი
მისი წამწამის,
მხოლოდ სიცილი
მაჩვენე მისი
მე იგი მიყვარს
ვით უყვართ
წვიმა
გვალვების მერე
ნისლის ზეწარი
და ვით ბივაზე
ცრემლების სიმად
მეც გადამჭიმე შენი მხვეწარი..

ვისი ტუჩებიც გამოთქვამს
სახელს
უწმინდეს
სახელს
შენი ქმედების
და ჩემი გულიც
ფანჯრებს გაახელს
უწმინდეს ღვინოდ გადმომედები..
 

ბედნიერი და შენი წყალობით სავსე
ამყოფე...

ვიცი რომ შენ ისედაც სწყალობ მას..
და მადლობელი ვარ, რომ
მეც მაძლევ საშუალებას მისთვის ვილოცო..

მე მეტი არაფერი შემიძლია მისთვის გავაკეთო
გარდა იმისა რომ მიყვარდეს,
გარდა იმისა რომ მიყვარდე
შენ მასში,
გთხოვ ყოველთა უფალო
ბედნიერი და გახარებული ამყოფე
ჩემი სულის შეყვარებული...