ყვავილების სარეცელი მინდა,
სურვილები და ღიღილო ლურჯი.
მზის სხივები,მომახვიე დილას,
მომახურე,ღრუბლის თეთრი ფთილა.
ცათა ნიჭი,ეს შენდამი ტრფობა,
ნიავივით ოცნებები ცელქი,
დამიკრიფე,ყვავილები მინდვრად,
ყვითელგულა ნარცისები მიყვარს.
რძისფერია  ნისლიანი ქუჩა,
ცისფერია ამ ქალაქის თაღი,
ცას მოჰპარე, ვარსკვლავების გუდა,
მომიტანე,მისახსოვრე ჩუმად.
გული ეტრფის თვით ღვთაებას მზისას,
შენს მკლავებზე ლურჯ ღიღილოს სძინავს,
დამიკრიფე, ნარცისები მინდვრად,
ყვავილების სარეცელი მინდა.