ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ენმესაგშარრი
ჟანრი: პოეზია
26 ოქტომბერი, 2015


თანამედროვე გატირება

მზემ ჩრდილოეთის ნაპირები ოქროდ შეღება,
მუხლებზე მდგარი, მე მივტირი შენს ნაფეხურებს
მანტიასავით თან მიგყვება ცეცხლის შეხება,
შავი წვეთები წვიმის საბნად გადამეხურა

ვტირი და წვიმას ერთვის ჩემი წვეთები,
ირგვლივ ჩამოწვა, სიკვდილივით, კალი იუგა
როგორც დამპირდი სახლის კართან შემეფეთები,
მათხოვარივით, თვალები რომ შენსას მიუგავს

მე გელი კვლავაც, შეკრული ვარ ჩემი თითებით
წამებად გადის, ათასობით წამების წელი,
შენი თივთიკი, ისე როგორც ლურჯი ტიტები,
ყელზე მარტყია და ეს მე ვარ ქალი ხეთელის.

კომენტარები ილუსტრაციები რეცენზიები