ვარ 2.5 ძრავის მქონე ფეხმავალი ავტომობილი, ეკონომი(კ)ური კლასის განათლებით. გარბენი მაქვს ოცდათხუთმეტ წლიანი. გამოშვების წელი ათას ცხრაას სამოცდაცხრამეტი წლის ათი აგვისტო. პირველი და ერთადერთი საპროფილაქტიკო-საკვალიფიკაციო ტესტირება გავიარე ათას ცხრაას ოთხმოცდათექვსმეტ-ორი ათას ერთ წლებში. მას შემდეგ ვიმუშავე შეუფერხებლად ორი ათას ათ წლამდე, სხვადასხვა ტვირთამწეობრივ თანამდებობებზე. არც ერთხელ სწრაფი გადაზიდვის სერვის ცენტრში. მიყვარს როცა რადარს ვეურჩები. სწორედ მაშინ ვგრძნობ თავს თავისუფალ ავტობიოგრაფისტად. მგაზვრთა რაოდენობა ცოდვილ-უცოდველთა ჩათვლით, თანაბარი. ვმუშაობ მუდმივად მელანზე. რამდენიმე გამოცემაში ჩემი ფოტოსურათიც მოხვდა თანმდევი ტექსტით, რომელსაც ჩემდა-გასაკვირად უწოდეს პროზა. სად ჩემი გარბენი და სად პროზა?! მაგრამ მთავარი, აქ, ის თაბახის ფურცლებია რომლებზეც კალამი დარბის!
  ესეც ჩემი გარბენი!!!