გრაფი

კატა მისცეს ნინოს,
სასახელო"გრაფი,"
არც კნავილი იცის,
არც სირბილი სწრაფი.
იჯდა წყნარად, კოხტად,
ფუმფულა და რბილი,
ნინომ ბეწვის ქურქიც,
გადააცვა თბილი.
დილით, გოგოს თევზი
დარჩა მაგიდაზე,
მიაუუუუ!- და გრაფიც,
მოსულა მადაზე.
თევზიც წამში გაქრა,
ფისო გაისარჯა,
ამიტომაც გრაფი,
ძლიერ დაისაჯა.
აღარ მისცეს სამხრად,
არც რძე და არც ფაფა,
ხმას ვერ იღებს, ტახტზე,
მისთვის გაინაბა.

მანანა ტონია