დათუნა და ბათურა

მაღლა, სახლის პარმაღზე,
ზის პატარა დათუნა
და მარტოკა თამაშობს,
კუბიკებით გართულა.
ხედავს მასთან მიხოხდა,
ციცქნა ლეკვი „ბათურა.“
ბავშვს ხელებზე დაყნოსა,
თათიც მიუთათუნა,
მარტო ვარო, ძმობილო,
ამოდენა ქალაქში,
შეგხედე და მეც მინდა
კუბიკებით თამაში.
თან, მშიაო ძალიან,
ლეკვი უცებ ატირდა,
დათო, ტკბილი, რძიანი
ფაფით გაუმასპინძლდა.
თამაშობენ ხმატკბილად,
კმაყოფილნი, ცხოვრებით,
ისე დამეგობრდნენ, რომ
დაავიწყდათ მშობლები.

მანანა ტონია