ფილტვებს ჩაუსახლდა დილა ნაწვიმარი
ბეჭებნესტიანი ჰკვებავ აგონიას,
ისე მომენატრა შენი აივანი
როგორც კვაზიმოდოს სველი ესმერალდა

თუმცა აივანი არ აქვს შენ საცხოვრისს
რეებს ბოდიალობს რითმის მათხოვარი
ყელში ამოვიდა ქვეყნის ისტერია
და ამ ქაოსებში ღმერთი წვერიანი

იმედგაცრუება ბედის არსებობის
შემდეგ, გამომშრალი მსუყე ათეიზმი -
ლუდის თევზივით და
სერჩში მოძებნილი საკუთარი თავით,
დაიღალე...