დასრულდა ომი, მე დავმარცხდი ყველა ბრძოლაში
და დამინგრიეს სიყვარულის მცირე სასახლე
და გული მარტო გაყინული დარჩა თოვაში,
წახვედი ჩემგან და ციმბირში გადაასახლე.

არადა, ვიცი შენი წასვლა ჩემი ბრალია
და დაბრუნებას ვეღარ შევძლებ გული მკრანახობს,
მაგრამ, ახლა, ვგრძნობ შემიყვარდი ისე ძალიან
ვეღარ გაუძლებს ეს თვალები შენ რომ არ გნახოს.

წარსული ჩემი გადაიქცა მწარე იარად
და ჩემს ტკივილებს ემატებათ შენთან სიშორე,
უკვე რამდენმა უშენო დღემ გადაიარა,
მაგრამ ფიქრები შენზე მაინც ვერ მოვიშორე.