შენს თვალებს მიღმა საქართველოა. საქართველოა შენს თვალებს მიღმა და შენ ნურაფერს ნუ მეტყვი ახლა. მე უკვე ვიცი, რაც უნდა მითხრა. მე შემიძლია გიყურო ასე, როგორც ზღვის პირას ვუყურებ მზეს და შენი თვალების გამოხედვაზე, ვიწამო შენი ლამაზი სევდა. იქ, სადაც მთების ლურჯი ლანდები და გვირილების პირამიდები, როგორც ვეება გოლიათები დგანან და როცა მე გაკვირდები, იშლება გზები მზისკენ სავალი. ყვითელ ჭადრებზე სხედან ჩიტები და ერთადერთი გამოსავალი მრჩება, შეგახო ცივი თითები. მიყვარდე ისე შემეძლოს გითხრა - შენს თვალებს მიღმა საქართველოა მიყურე! სიტყვას ნუ მეტყვი ახლა. საქართველოა შენს თვალებს მიღმა.
