ქუჩებს დაეტყოთ შემოდგომის ამინდი მკაცრი
სისულელეა, ღმერთს შესთხოვო შეწყვიტოს წვიმა,
როდესაც ცრემლებს უხდებიან წვეთები ასე
და როცა დედის სატკივარი არ იცის შვილმა.

უხდება ამინდს მატყუარა მზეების სითბო
ცდილობს და მაინც ვეღარ ათბობს სხივები ცივ ხელს,
წინაზე, თითქოს, ოქტომბერიც მზიანი იყო
უშენოდ დარი დაამარცხეს და უკან იხევს...

სიცივე ნელა გვეპარება ფრაზებში, ხმაში
და თითქოს სევდაც ისადგურებს ჩვენში თავისით,
ამ შემოდგომის ამინდივით მკაცრ ცხოვრებაში
ცუდია, როცა რას ვაკეთებთ, თვითონ არ ვიცით.