###

ექვსი წლის ბავშვმა შემოდგომა
დახატა ფურცელზე.
ნახატზე ჩანდა მეეზოვე ქალი
აგროვებს ფოთლებს.
ფურცელს კუთხეში ეწერა: " დედას".


###

მე ყოველთვის დიდი წარმოდგენა
მქონდა ჩემს ქვეყანაზე.
და როცა რეალობის წინ დავდექი,
პირველად შევიკავე ცრემლები,
რომ არ მეტირა.


###

შენ რომ გნახე,
იმის წინა დღეს,
მატარებელში ვიჯექი,
არ იქნა და არ მიდიოდა.
ბოლოს ვიგრძენი- გზა დაიძრა.


###

მე არ მყავს ნაცნობი,
რადგან საუბრისას,
არასოდეს
ვუყურებ ადამიანებს
თვალებში.


###

მახსოვს ზამთრის პირას
ლურჯი ფერის ხელთათმანები მაჩუქე.
უსიტყვოდ მოვირგე
და ქურთუკის ჯიბეებში ჩავიტენე
ხელები.