###

გუშინ იყო. ქუჩის კუთხეში
ძველ ნაცნობს შევხვდი.
მოვიკითხე. წამით შევავლე თვალი.
არაფერი სიახლე. დამწუხრებული სახე,
ისევ ის ფეხსაცმელი, ქურთუკი, კეპი...


###

მე ყოველთვის მიკვირდა
როგორ ახერხებდი,
ერთი მიმართულებით სიარულს,
და ახლა მივხვდი-
მიზანი გქონდა.

###

უცებ მომინდა რაღაც
შემეცვალა ჩემს ცხოვრებაში
და უცხო ადამიანს,
გულკეთილად მივესალმე
ქუჩაში.

###

მე შენი ძებნა
მჭირდება,
რომ გიპოვნო,
რადგან შენ
არ ხარ ყველგან.


###

ჯიბეგამოკერილ ქურთუკს,
ჯიბეგამოხეული მერჩივნა ყოველთვის.
იცი შიგნით არაფერია, მაინც ეძებ.
რაც უფრო ღრმაა, მით მეტხანს იქექები.
გახანგრძლივებული ძიებაა იმედიც, მეტი არაფერი.