###

მე ასე მჯერა.-
რაც მეტად გტკივა,
უფრო ჩუმად ხარ...
და სიყვარულიც
ხშირ შემთხვევაში,
ხმადაგუდული ტკივილია-
არავის ესმის,
არავინ წუხდება.


###

არის ხოლმე მომენტები,
საკუთარი სახლიც გეუცხოება.
მოიცვამ ქურთუკს,
გადიხარ გარეთ,
და გადამფრენი ფრინველივით,
ვერ გაგიგია,
სახლს ტოვებ,
თუ უბრუნდები.

###

გზა ასე არის,-
გრძელი და ვიწრო,
და სამწუხაროდ, ადამიანი
აღარ რგავს ხეებს,
ამ გზის ნაპირას,
სწორედ ამიტომ,
მიყვება დარდი...
მოუჩრდილებლად,
შიშველი თავით,
ადამიანი მზის გულზე
დადის.