მან ჩაასხა ყავა
ჭიქაში,
მან ჩაასხა რძე
ყავაში,
მან ჩაყარა შაქარი,
რძიან ყავაში,
პატარა კოვზით
მოურია
მან დალია რძიანი ყავა
და მან დადგა ჭიქა
ისე რომ არაფერი მითხრა.
მან მოუკიდა
სიგარეტს
გამოუშვა რგოლები
ბოლის
მან საფერფლეში
ჩააფერფლა
ისე,რომ არ დამელაპარაკა,
არ შემომხედა
იგი წამოდგა
ქუდი დაიხურა თავზე
ჩაიცვა საწვიმარი
რადგან წვიმდა
და ის წავიდა
წვიმის ქვეშ
ერთი სიტყვის უთქმელად
ისე,რომ არ შემოუხედავს
და მე ჩავრგე თავი ხელებში
და ვიტირე.