###
ადამიანები ტოვებენ ერთმანეთს
გაჩერებებზე,
იმ იმედით,
რომ მატარებელი ჩამოივლის,
რომელიც არ არსებობს.

###
შენ შეგიძლია სახე დამალო
ხელებში,
ხელები-ზურგსუკან,
მაგრამ ვერსად დამალავ სინდისს-
ჭეშმარიტ დევნილს ამ ქვეყანაზე.

###
მე იმდენი ვიფიქრე
მომავალ ცხოვრებაზე,
ერთ საღამოს,
აწმყოდან გამოსულს,
წარსულზე მიმეძინა.

###
ოთახში ბნელა.
განზრახ არ ვანთებ ნათურას.
იქნებ ვინმემ შენიშნოს სიბნელე,
თუკი ეს შესაძლებელია,
და თავისი მოსვლით გაანათოს ოთახი.

###
მე ყველა გზა გადამეკეტა.
ძალა არ მყოფნის
მიწაში ჩავძვრე,
სხვა გზა არაა,
ფრენა უნდა ვისწავლო.

###
არ შეიძლება
ხე მოჭრა მხოლოდ
იმიტომ ,
მზის სხივმა ,
შენამდეც  რომ მოაღწიოს.