ნინო დარბაისელი

.დაღლა

- - - -

(ციკლიდან:,,ვერსიფიკაციული ეტიუდები").

ძეწნას, ქარის აწეწილს, გადარწეულს ღამეში
მთვარე წკიპზე ჰკიდია, ირგვლივ სხივებს ვერ აფენს.
გვიანია გოდება, რომ არ უნდა გამეშვი;
დაღლა, დაღლა ედება  ყველასა და ყველაფერს..

რა მეწია, არ ვიცი - მადლია თუ შერისხვა:
აღარავის მოველი, არავინ მელოდება,
ქვეყნად არც მაგონდება ლამის არაფერი სხვა,
მენატრება შენს მხარზე წყნარად თავის მოდება.