###

წასვლა მიტოვება არაა.
ჯერ უნდა მიატოვო
და მერე წახვიდე.


###

როცა მინდა რაიმე
უკან მოვიტოვო,
ზურგს ვაქცევ ხოლმე.
ზურგიდან ვიღებ
დარტყმებს,
სახიდან კი ღიმილი
არ მშორდება...
და ასე ვცხოვრობ
რიგითი ადამიანი.

###

საკუთარ ნაბიჯებს მივყვები
და ვცდილობ არ დავდო ზღვარი,
არ შევიქმნა ყალბი წარმოდგენა იმაზე,
რომ სიყვარულს მწვერვალი გააჩნია
და მე მას ოდესმე მივწვდები.

###

მე გზის კაცი ვარ,
მუდამ გზაზე მიჭირავს თვალი.
და თუ თვალებით მიწას ვუმზერ,
გზას რომ არ ავცდე,
სულაც არ ნიშნავს იმას,
რომ გულით ცისკენ არ ვიხედები.