ამ თოვლმა თუ დადო, ძვირფასო ამ ტყემლებს
გაუქრობს კვირტებს და სიცივით დააზრობს.
ყველაფერს დაარქმევს თავ-თავის სახელებს,
მე ნერვებს დამიხევს და სულსაც გამაძრობს.
ამ თოვლმა თუ დადო ჩაკეტავს ყველა გზას.
თუ დადო მერცხლები ვერ მოვლენ ამაღამ.
ხომ გახსოვს ხელები სახეზე გელაგა
და თვალებს მათხრიდა ეგ მზერის ღაღადი.
ჯობია არ დადოს, არ დადოს ჯობია
და თოვლი უბრალოდ, მარტივად შეგვეშვას
ჩამიწყვე ხელები ქურთუკის ჯიბეში
და შენი სხეულის სურნელზე დამგეშე.