დღეს ვნახე როგორ ადიოდნენ ადამიანები ხეებზე,
ტოტებზე სხდებოდნენ.
პირები ყველას დაღებული ქონდა, (ვითომ მღეროდნენ?)
მაგრამ ნუთუ არ გესმის
დასასრულის ამოძახილი...?
ისინი ასე იდგნენ ხის ტოტებზე სანამ არ მოვიდა პატარა
გოგო.
უნდა გენახათ რა ბავშური იყო ეს გოგო,
როცა სათითაოდ ყლაპავდა ადამიანებს.
მე თვალს ვერ ვაშორებდი მის პირში გაჩხერილი ფეხების მოძრაობებს
თან ვფიქრობდი: იყო ეს ცეკვა თუ განაჩენი.
დამავიწყდა მეთქვა, რომ ამ ამბამდე
ხეები გამუდმებით დუმდნენ.