კუს შემოხვდა გზად ზღარბი,
და დაიწყეს ტრაბახი,
რომ სირბილში ასწრებენ,
თვით მგელსაც კი ტრამალის.
ორივე ბაქი-ბუქობს,
აღარ უთმობს კუს ზღარბი,
გინდა ხეზე ავიდე,
მოგიწყვიტო ის ზღმარტი.
მაგით ვერ გამაკვირვებ,
გუშინ უნდა გენახე,
კაკლის ბაღში შევედი,
და დავბერტყე ყველა ხე.
ამ ტრაბახში გართულებს,
წამოადგათ კურდღელი,
აბა, ბუჩქზე აძვერით,
მომიკრიფეთ კუნელი!
უცებ ენა ჩაიგდეს,
ვძვრებით მხოლოდ მიწაში,
თქვენ კი რაც გაიგონეთ,
ეგ ხდებოდა სიზმარში.