მივუყვებოდი ფართო ბილიკებს
სიზმრიდან ცხადმა იწყო დინება
გავცდი ლოკალურ ჭორებს, ქილიკებს
აწმყომაც ჰპოვა გამოვლინება

აჩქარდა ტემპი მდორედ მავალი
შვიდი თვე შვიდ დღედ თენდებ-ღამდება
ცაზე მნათობნიც ამომავალნი
ერთურთს შესტრფიან, მუზაც ალდება.

სტროფები სტროფებს ლექსად მისდევენ
გრძნობაც იღვრება გრძნეულ ჰანგებად
წილ ბედს თავისას კაცნი ირჩევენ
და სწუწუნებენ შემდგომ განგებას.

დედამიწა კი ბრუნავს და ბრუნავს
მზისა თუ თავის ღერძის გარშემო
ადამიანო, ნაცვლად დანგრევის,
იქნებ შესძლო და შენც ააშენო?!

Z. K.
California 2015