დაუშვა ცხოვრების მჭედელმა ფარდები,
შეღება გლოვისფრად გამკრთალი სინათლე
გვამების დამჭკნარი ხელების ძარღვები
სიცოცხლეს არ თმობენ და ლურჯად ელავენ.
გაშალეს მტრედებმა მზისფერი ოცნება,
ატეხეს წყვილ-წყვილად განგაშის ზარები
რასიომონის კარიბჭის ყაჩაღი
კვლავ დააბიჯებს ფერმკრთალი გვამებში.
ებრძვიან ჰომეროსს ზოილეს მიწაზე,
სისხლს ყინავს ბაყაყის ყიყინი ძარღვებში
დადიან დედები მწუხარე ხავერდით,
თავზეწაკრული მცინარე თვალებით.