თუ სიყვარულზე მიწერთ "აპრილს" ცოტა შერცხვება,
თქვენ ამდროს უნდა უთანაგრძნოთ თავხედობისთვის,
გადაუხვიოს საუბრიდან იგი ეცდება,
რადგან ისჯება "აპრილები" მსგავსი გრძნობისთვის,
გაზაფხულია და ტირილი მინდება ზოგჯერ ,
მე სამწუხაროდ "იქ ვმთავრდები სადაც ვიწყები",
და აპრილივით თავხედურად სანამ შენც მოგწერ ,
შენ სიყვარულზე წაიკითხე ცოტა წიგნები !
ქარს პურიტანობს ლამპიონი მუქი სინათლით,
ვიდრე გაზაფხულს გავყვებოდე მითხარი რამე,
ან ერთი-ორჯერ გამიღიმე ჩვეულ სინაზით,
სანამ შენს სახლთან ლიტანიას დავიწყებ ღამე,
ხოდა ღრუბლებმა მომახურეს, მხრებზე ქლამიდი,
ხშირად აპრილის საყვარელი, ზოგჯერ მარტია,
მე ვკვდები დღეს და "თანამიგრძნობს რადგან ამინდი"
გთხოვთ სიყვარულის მომაწიეთ უკან ქარტია,
ეხლა ის დროა დაჩოქილმა დავიწყო ლოცვა,
სულ მთლად ტრაპეზად გადაიქცა ჩვენი უბნები,
მე მთელს სამყაროს ხელისგულზე მოვიმწყვდევ როცა,
ქალწულებივით ციდან თოვას იწყებს ღრუბლები,
და უკან მიმაქვს ანგელოზო ჩემი სიტყვები !
თუ შემოდგომა გაზაფხულის არის ჯალათი,
მე სიყვარულზე წავიკითხე უკვე წიგნები,
ხოდა აპრილსაც ერიდება ჩემთან კამათი,
ქერობინები ვიდრე შენთან დამასწრებს კოცნას,
მინდოდა მეთქვა აპრილსაც კი ზოგჯერ გული აქვს !
ჩვენ დავშორდით და მე გავყევი აპრილის ლოცვას,
შენ კი გაყევი ჩემზე მდიდარს უფრო ფულიანს,
და მე დამჩემდა კოშმარეულ სიზმრებში ბოდვა,
იმედი იმის რომ გზისპირზე სადმე შემხვდები,
" ჩემი გაფრენა ზეცისაკენ არ მოხდა ხოდა
მე საბოლოოდ გავაფრინე როგორც შენ ხვდები ! ".