შენ ზღვა არ გინახავს ემილია,
მზეს რომ გააქრობს და აღამებს.
შენამდე მოღწევაც შემიძლია
მზესავით აჭარელ ბაღანეს.

ქალაქი არ გინახავს ემილია,
ზღვა რომ ნაპირებთან დარაჯობს.
ანდა, ბინდიანი მაჭახელა,
ნენეს მორთმეული ქალაჯო.

ისე ვერ გამიცნობ ემილია,
თუ არ ესტუმრები ჩემს ოდას.
შენი მოწერილი წერილები
ავსებს ანტიკვარულ ჩემოდანს.

ისღა დამრჩენია ემილია,
ჩვენში მანძილები მიყვარდეს.
შენი სიყვარული ტყულია,
ჩემი სიყვარული - სიმართლე.

შენ ზღვა არ გინახავს ემილია…