ღამე.
„Artificial“.
გმოსავს მაკინტოში.
ისე სიცივეა, ლამის გაითოშო.
სიზმრად ბედუინი, ვინმე, კაიროში.
ჩუმი ნაბიჯები.
ოშო.
ალქიმია.
ტერფებს რა ძალა აქვთ, კვალი დამამჩნიონ.
მოდი! გაიარე ჩემზე ქარავანით.
მეტი არაფერი აღარ დამრჩენია -
შენი მოსვლები და ყოფნა წარმავალი.
ცხოვრობს გუბურაში
მთვარე - ამფიბია.
შენ მე უგულებელ-
მყოფ და გაიქცევი.
სიზმრად კაიროში.
ღამე.
„Artificial“.
ოშო.
ალქიმია.
გმოსავს მაკინტოში.