შენზე რომ ვფიქრობ და არა ხარ,
შენ რომ მინდიხარ და არაფრით,
შენ რომ მიყვარხარ და არ გეტრფი,
შენ რომ გიმღერი და არ მოდის,
შენ რომ გეძახი და არ ისმის,
შენ რომ გნატრულობ და არ სჩანხარ,
შენ რომ ავად ხარ და მე კარგად,
შენ რომ მიდიხარ და მე არა,
შენ რომ თბილად ხარ და.. ხელები,
შენ რომ არა სვამ და... ხომ მიცნობ,
შენ რომ არ ეწევი... თუმცა კი,
შენ რომ არ მკითხულობ, არ ვიცი,

ეს უკვე ნიშნავს ერთი ნახევრის დასასრულს!

შენ რომ იფიქრე და უმიზნოდ,
შენ რომ ინატრე და არ არის,
შენ რომ გინდოდა და გადაცდა,
შენ რომ დაწერე და სულ არა,
შენ რომ გარბოდი და გაგიშვი,
შენ რომ მოიხედე, მე აღარ,
შენ რომ მოელოდი, წავიდა,
შენ თუ სულისმიერ, მე - ხორცის,
შენ თუ ჩაიარე, მე რა ვქნა,
შენ თუ ჩაინაცრე, მე ვღვივი,
შენ თუ ჩუმადა ხარ, მე ვყვირი,
შენ თუ ძლიერი ხარ, მეც ასე,

ეს კი უთუოდ მეორე ნახევრის ბოლოა!

მე გავიმარჯვე, გამოგტაცე ბოლო გრძნობები,
შენ გაიმარჯვე, რაც წაიღე, არ დაბრუნდება,
ჩვენ კი ძვირფასო, ორივენი, მწარედ დავმარცხდით.