ყოველ მამაკაცს ენატრება ქალი,
რომელიც ცხოვრობს მის შიგნით,
ყოველი ნადირობა ესაა ცდა,
მოაშინაურო ან მოინადირო საკუთარი უცნობი მხარე,
რადგან ნადირობისას ხდება,
ის, რაც ხდება ყოველი შეხვედრისას საკუთარ თავთან,
ნადირობა ესაა დევნა საკუთარი თავისა, საკუთარ თავს გარეთ,
ყოველი სწრაფვა გულისხმობს შიგნითკენ სწრაფვას,
მაგრამ, რადგან უმრავლესობა არ აკვირდება საკუთარ თავს
დაკარგულია მისთვის დარბაზიცა და გასაღებიც,
ყოველ ქალს ენატრება მამაკაცი,
რომელიც არის მის შიგნით,
ქალი ისწრაფვის იყოს ის,
რომელიც ყველაზე ბუნებრივია მისთვის
ის ისწრაფვის იყოს დედა,
და ყოველი მამაკაცი იდეურად შვილია მისი,
რადგან მამაკაცი მონადირეა,
ხოლო ქალი უცნობი და აღმოუჩენელი ბუნება,
ის უღრმესი ზღვაა, ის უცნობი პლანეტაა,
ის თავადაა კოსმოსი,
სადაც უამრავი გალაქტიკა უამრავ საკვერცხესავითაა გაბნეული,
ქალი ყველგანაა და ყველაფერში,
ის თავადაა გამოცანა,
ის ქმნის დროსა და სივრცეს,
ქმნის გამოცანებსა და პასუხებს მათზე,
ქმნის ხაფანგებს და მათაგან თავის დაღწევაში თავადვე ეხმარება მამაკაცს,
რადგან მისი ძალაუფლება უსაზღვროა, რადგან თავადაა მთელი სამყარო

P.S: (არ ვსვამ წერტილებს, ისინი არ არსებობს)