ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ციცანა/გვანცა ჯობავა
ჟანრი: პოეზია
9 იანვარი, 2009


მზეცა

მზემ გააცინა ღამე,
და გავარდისფრდა ზეცა,
მიდი, გაუგე რამე
ამ გაორებულ მზეცას.

ვარსკვლავებს ალივლივებს
მთვარის ფარფატა რიდე,
და მზემ კი გადაყლაპა
ზეცის მეორე კიდე.

დღემ აღიმაღლა სუნთქვა,
ღამემ გაშალა ფრთები,
და სანამ ცისკრის უთქვამს,
მზემ გადმოლახა მთები.

ზვავად დაახვევს სხივებს,
ზვავად დაუშვებს მთიდან,..
მე გათენების მშურდა
დაღამებულის მხრიდან.

მოდი მითხარი რამე,
თუნდაც სიკვდილის ფასად,
რა მოხდა თუკი ერთ დროს
სხივები მექცა ფარსად.

რა მოხდა, თუკი მზეცამ
თავისთან დამიძახა,
რომ მეცვა თეთრი კაბა
და გსურდა ამის ნახვა,

რომ გათენება მხიბლავს
დაღამებული ციდან,
და ვუფრთხი მზეცის ნახვას
დილის ნაცვარი თმიდან.

რომ გათენება მაკრთობს
და დაღამება უფრო...
რომ მოფერებას ვითხოვ,
როგორც ბეღურა უფრთო...

რომ ჩემი მზეცის გული
სულ სხვა ფეთქვიდან გიხმობს,
და გათოშილი თათით
ცივ ხელისგულებს გითბობს.

მოდი... შემშალე...
შეძლებ?
განზომილებას გითმობ...




კომენტარები ილუსტრაციები რეცენზიები